Роман Василенко Қазақстан-Италия стратегиялық серіктестігін нығайтуға қосқан үлесі үшін елшіге шын жүректен алғыс айтты. Марко Альбертидің осы жылдың қаңтарында Қазақстан Президенті Қасым-Жомарт Тоқаевтың Италияға ресми сапарын ұйымдастырудағы, сондай-ақ, сауда-экономикалық байланыстарды жандандырудағы еңбегі ерекше атап өтілді. Нәтижесінде, 2021 жылдан бері екі ел арасындағы тауар айналымы 10 миллиард доллардан 17 миллиард долларға дейін өсті.
Сонымен қатар, итальяндық дипломаттың Қазақстанға Италия үкіметінің мүшелерінің сапарларын ұйымдастырудағы, Алматыда Итальян мәдениет орталығын ашудағы, жоғары білім саласындағы ынтымақтастықты дамытудағы, Италия мен Қазақстан арасындағы тікелей әуе қатынасын іске қосуды, сондай-ақ, басқа да маңызды бастамаларды жүзеге асырудағы рөлі атап көрсетілді.
Екіжақты қатынастарды дамытуға қосқан үлесі үшін Марко Альберти Қазақстан Президентінің Алғыс хатымен марапатталып, «Барыс» орденімен наградталды.
Жауап ретінде елші Қазақстан тарапына қолдау, жылы қабылдау және екіжақты ынтымақтастықты нығайтудағы күш-жігері үшін алғыс білдіріп, Қазақстан-Италия стратегиялық байланыстарының одан әрі дамуына үміт білдірді.
Кездесудің соңында Роман Василенко Марко Альбертиге кәсіби өмірінде табыс пен жаңа жетістіктер тіледі.
2023 жылы Италия Қазақстанның ең ірі сауда серіктестерінің бірі болып қала береді, оның сыртқы тауар айналымының 14,4% құрайды. 2024 жылдың қаңтарынан қазанға дейінгі кезеңде екіжақты тауар айналымы 17,4 миллиард долларға жетті (экспорт — 16,4 миллиард, импорт — 1 миллиард). 2005 жылдан бері Италияның Қазақстанға тікелей шетелдік инвестициялары 7,6 миллиард доллардан асты.