Комитетте мемлекет басшысының тапсырмасымен қазіргі Салық кодексіне өзгерістер енгізілгені атап көрсетілді, соған сәйкес, жеке және заңды тұлғалар ағымдағы жылдың шілдесінен бастап ерекше қорғалатын табиғи аумақтарды пайдалану үшін бюджетке төлем жасамайды.
Мемлекеттік кірістер комитеті жаңа Салық кодексінің жобасында міндетті төлемдер қатарынан сыртқы (визуалды) жарнама орналастыру үшін төлем мен кейбір қызмет түрлерімен айналысу үшін лицензияларды пайдалану ақысының алынып тасталғанын нақтылады. Осылайша, кәсіпкерлік субъектілері (заңды тұлғалар мен жеке кәсіпкерлер) жарнама орналастыру кезінде, сондай-ақ лицензияларды пайдалану үшін (алкоголь өнімдерін сақтау және сату және басқа да қызмет түрлері) бюджетке мұндай төлемдерді енгізбейді.
Жаңа Салық кодексінің жобасы Парламенттің Мәжілісінде қаралуда. Салық кодексін енгізу мерзімі 2026 жылға жоспарланған.