Касым-Жомарт Тоқаевтың атына шетел мемлекеттерінің басшылары мен халықаралық ұйымдар жетекшілерінен Тәуелсіздік күніне орай құттықтаулар келіп түсуде.
Өзбекстан Президенті Шавкат Мирзиёев Касым-Жомарт Тоқаевты және Қазақстан халқына мерекемен құттықтады.
"Екі ел арасындағы стратегиялық серіктестік пен достық қатынастар, ғасырлар бойы жақсы көршілер мен достар болып келгеніміздің рухында, өзара сенім, құрмет және қолдау негізінде одан әрі динамикалық дамитын болады", – делінген телеграммада.
Қырғызстан Президенті Садыр Жапаров Тәуелсіздікке қол жеткізгеннен бері Қазақстанның мемлекеттік құрылыс, әлеуметтік-экономикалық даму және белсенді сыртқы саясат саласында елеулі жетістіктерге жеткенін атап өтті.
"Біздің елдеріміз арасындағы көп ғасырлық достық, жақсы көршілік және стратегиялық серіктестік негізінде қалыптасқан қатынастар одан әрі нығаятынына берік сенемін", – деп атап өтті ол құттықтауында.
Тәжікстан Президенті Эмомали Рахмон қазақ-тәжік байланыстарының динамикалық сипатын жоғары бағалады.
"Біз өзара тиімді қатынастарды жүйелі түрде дамытуға үлкен мән береміз және екіжақты ынтымақтастықты тереңдету үшін нақты қадамдар жасауға дайынбыз", – деп жазды ол.
Түрікменстан Президенті Сердар Бердымұхамедов мемлекет басшысын және қазақстандықтарды құттықтап, екі ел арасындағы байланыстардың барлық бағытта табысты дамып келе жатқанын атап өтті.
"Сіздің Түрікменстанға жақындағы ресми сапарыңыздың ерекше маңыздылығын атап өткім келеді. Ашғабадтағы келіссөздер барысында қол жеткізілген келісімдердің екі ел арасындағы байланыстарды одан әрі нығайтуға елеулі үлес қосатынына сенемін", – делінген телеграммада.
Мемлекет басшысын Тәуелсіздік күнімен Түрікменстан Халк Маслахатының төрағасы Гурбангулы Бердымұхамедов те құттықтады.
Сонымен қатар, БАӘ президенті шейх Мохаммед бен Заид Аль Нахаян, БАӘ вице-президенті, премьер-министрі, Дубай әмірі шейх Мохаммед бен Рашид Аль Мактум, екі қасиетті жердің сақшысы – Сауд Арабиясы Королі Салман бен Абдельазиз Аль Сауд, Сауд Арабиясының мұрагер ханзадасы, премьер-министрі Мохаммед бен Салман бен Абдельазиз Аль Сауд, Украина президенті Владимир Зеленский, Палестина президенті Махмуд Аббас, Ливия Президенттік кеңесінің төрағасы Мухаммад Юнис Аль-Манфи, ТМД Бас хатшысы Сергей Лебедев, ОТГ Бас хатшысы Кубанычбек Омуралиев, Татарстан раисы Рустам Минниханов және басқа да тұлғалар құттықтауларын жолдады.
Қазақстан үшін Тәуелсіздік күнінің маңыздылығы туралы біздің материалдан біле аласыз.